ಕರ್ನಾಟಕ ರಾಜ್ಯದಲ್ಲಿ ಚಿಕ್ಕಮಗಳೂರು ಜಿಲ್ಲೆ ಭೌಗೋಳಿಕವಾಗಿ ಒಂದು ಚಿಕ್ಕ ಹಾಗೂ ಅತ್ಯಂತ ಸುಂದರ ಪ್ರಕೃತಿ ಸೌಂದರ್ಯ ಹೊಂದಿದ್ದು, ಪಶ್ಚಿಮ ಘಟ್ಟಗಳ ಸಾಲಿಗೆ ಸೇರಿದೆ. 08 ತಾಲ್ಲೋಕುಗಳಿದ್ದು, ಪಶ್ಚಿಮದ ಬಹುಭಾಗವು ಪರ್ವತ ಶೇಣಿಗಳಿಂದ ಕೂಡಿದ್ದು,ಮಲೆನಾಡಾಗಿದ್ದರೆ, ಪೂರ್ವದ ಸ್ವಲ್ಪ ಭಾಗ ಬಯಲು ಪ್ರದೇಶವಾಗಿದ್ದು,ರಾಜ್ಯದಲ್ಲೇ ಅತ್ಯಂತ ಎತ್ತರದ ಮೇರು ಪರ್ವತಗಳು,ಗಿರಿ ಶಿಖರಗಳು,ಅಪಾರ ಜಲ ಸಂಪತ್ತು, ಅರಣ್ಯ ಸಂಪತ್ತು ಹೊಂದಿರುತ್ತದೆ. ಪ್ರಮುಖವಾಗಿ ಕಾಫೀ,ಮೆಣಸು,ತೆಂಗು,ಅಡಿಕೆಯಂತ ವಾಣಿಜ್ಯ ಬೆಳೆಯೊಂದಿಗೆ ಆಹಾರದಾನ್ಯ, ಎಣ್ಣೆ ಕಾಳುಗಳನ್ನು ಬೆಳೆಯಲಾಗುತ್ತಿದೆ.  ವರ್ಷದ ಬಹುಕಾಲ ಆಹ್ಲಾದಕರ ವಾತಾವರಣದಿಂದಾಗಿ ಪ್ರಪಂಚದಲ್ಲಿಯೇ 2 ನೇ ವಾಸಯೋಗ್ಯ ಪ್ರದೇಶವೆಂಬ ಹೆಗ್ಗಳಿಕೆಯೂ ಸೇರಿದೆ.

ಚಿಕ್ಕಮಗಳೂರು ಜಿಲ್ಲಾ ಕೇಂದ್ರ ಸಹಕಾರ ಬ್ಯಾಂಕ್ ದಿನಾಂಕ:25-02-1955 ರಂದು ನೋಂದಣಿ ಕ್ರಮ ಸಂಖ್ಯೆ:ಎ.ಆರ್.ಸಿ 213/25-2-55 ರಡಿ ಸ್ಥಾಪನೆಯಾಗಿ, ಭಾರತೀಯ ರಿಸರ್ವ್ ಬ್ಯಾಂಕಿನ ಪರವಾನಗಿ ಸಂಖ್ಯೆ:ಆರ್.ಪಿ.ಸಿ.ಡಿ(ಬಿಜಿ)ಡಿ.ಸಿ.ಸಿಬಿ 21/2011-12 ರಂತೆ ಪರವಾನಗಿ ಪಡೆದು ಜಿಲ್ಲೆಯಾದ್ಯಂತ 28 ಶಾಖೆಗಳ ಮೂಲಕ ರೈತರ, ಜಿಲ್ಲೆಯ ಜನರ ಜೀವನಾಡಿಯಾಗಿ ಕರ್ತವ್ಯ ನಿರ್ವಹಿಸುತ್ತಿದೆ. ನಿರಂತರ ಲಾಭ ಗಳಿಕೆ ಹಾಗೂ ರಾಜ್ಯದಲ್ಲಿ ಉತ್ತಮ ಕಾರ್ಯನಿರ್ವಹಣೆಗೆ “ಎ” ಗ್ರೇಡ್ ಎಂದು ಗುರುತಿಸಿರುವುದು ಬ್ಯಾಂಕಿನ ಹೆಗ್ಗಳಿಕೆ.

ಬ್ಯಾಂಕಿನ ಎಲ್ಲಾ ಶಾಖೆಗಳು ಸಂಪೂರ್ಣ ಗಣಕೀಕರಣಗೊಂಡು ಕೋರ್ ಬ್ಯಾಂಕಿಂಗ್ನಡಿ ಕಾರ್ಯನಿರ್ವಹಿಸುತ್ತಿದ್ದು, ಆಧುನಿಕ ಬ್ಯಾಂಕಿಂಗ್ ಸೌಲಭ್ಯಗಳಾದ ಎ.ಟಿ.ಎಂ ಡೆಬಿಟ್ ಕಾರ್ಡ್, ಆರ್.ಟಿ.ಜಿ.ಎಸ್/ ನೆಫ್ಟ್. ಮೊಬೈಲ್ ಬ್ಯಾಂಕಿಂಗ್ ಹೊಂದಿ ಗ್ರಾಹಕರಿಗೆ ಉತ್ಕøಷ್ಟ ಬ್ಯಾಂಕಿಂಗ್ ಸೇವೆ ನೀಡುತ್ತಲಿದೆ.